Read Time: 1 min

கடந்த சில நாட்களாக கோவிட் -19 நோயாளிகளில் Black Fungus எனப்படும் கருப்பு பூஞ்சை தொற்று காணப்படுகின்றது. இந்த நோய் அரிதானதாகவும், சிகிச்சை அளிக்காமல் விட்டு விட்டால் மிகவும் ஆபத்தானதாகவும் அறியப்படுகின்றது. இது மியூகோர்மைசீட்ஸ் (mucormycetes) எனப்படும் பூஞ்சைக் குழுவால் ஏற்படுகிறது.  இதனால் கண்பார்வை பறி போகலாம் அல்லது உயிரிழப்பும் ஏற்படலாம்.

இந்நிலையில், தற்போது, கருப்பு பூஞ்ஞையை விட ஆபத்தான வெள்ளை பூஞ்சை பாதிப்பு ஏற்படுவதாக தகவல்கள் வெளியாகியுள்ளன. இப்போது, ​​பீகாரில் உள்ள பாட்னாவில், நான்கு பேருக்கு வெள்ளை பூஞ்சை தொற்று ஏற்பட்டுள்ளதாக பதிவாகியுள்ளன.

இப்போது, ​​பீகாரில் உள்ள பாட்னாவில், நான்கு பேருக்கு வெள்ளை பூஞ்சை தொற்று ஏற்பட்டுள்ளதாக பதிவாகியுள்ளன. கருப்பு பூஞ்சை தொற்றுநோயை விட வெள்ளை பூஞ்சை தொற்று மிகவும் ஆபத்தானது, ஏனெனில் இது நுரையீரலை தவிர,  நகங்கள், தோல், வயிறு, சிறுநீரகம், மூளை, அந்தரங்க உறுப்புகள் மற்றும் வாய் ஆகிய பகுதிகளையும் பாதிக்கிறது.

முன்னதாக கருப்பு பூஞ்சை குறித்து தெர்வித்த மருத்துவர்கள் "இந்த நோய் புதியதல்ல. ஆனால் இது இந்தியாவில் COVID-19 நோயாளிகளிடையே அதிகரித்து வருகிறது. ஏனெனில் ஸ்டெராய்டுகளின் அதிகப்படியான பயன்பாடு காரணமாக பெரும்பாலும் சர்க்கரை நோயாளிகளுக்கு இந்த பாதிப்பு அதிகம் ஏற்படும் வாய்ப்பு உள்ளது.  சில சந்தர்ப்பங்களில் பார்வை இழப்பு மற்றும் இறப்புக்கு இது வழிவகுக்கிறது. கருப்பு பூஞ்சை  மூளையை அடைந்தால், அது அபாயகரமானதாக இருக்கும்” என கூறினர். ஆனால், உடனேயே கவனித்து சிகிச்சை அளித்தால் குணப்படுத்தி விடலாம்.  கருப்பு பூஞ்சையால் பாதிக்கப்பட்ட பல நோயாளிகளுக்கு சிகிச்சை அளித்து குணம்டைந்தும் உள்ளனர் என்பது குறிப்பிடத்தக்கது.