ஆன்லைன் கட்டண மோசடி சம்பவங்களில் இருந்து ஏர்டெல் வாடிக்கையாளர்களைப் பாதுகாக்க, ஏர்டெல் பேமண்ட்ஸ் வங்கி ‘Airtel Safe Pay’ என்ற டிஜிட்டல் கட்டணம் செலுத்துவதற்கான இந்தியாவின் பாதுகாப்பான பயன்முறையை அறிமுகப்படுத்தியது.
‘Airtel Safe Pay’ மூலம், UPI அல்லது நெட்பேங்கிங் அடிப்படையிலான கட்டணங்களை Airtel பேமண்ட்ஸ் வங்கி மூலம் செலுத்தும் Airtel வாடிக்கையாளர்கள், இனி அவர்களது வெளிப்படையான அனுமதியின்றி தங்கள் கணக்குகளை விட்டு பணம் வெளியேறுவது குறித்து கவலைப்பட வேண்டியதில்லை.
Airtel Safe Pay முற்றிலும் இலவசமானது. Airtel Thanks App-ன் முகப்புத் திரை மூலமாகவோ அல்லது பேங்கிங் செக்ஷனிலிருந்தோ இதை ஆக்டிவேட் செய்யலாம்.
“டிஜிட்டல் முறை கட்டணங்கள், குறிப்பாக தொற்றுநோய்க்கு பிந்தைய உலகில் வழக்கமாகி விட்டதால், வேகமாக வளர்ந்து வரும் மோசடிகளின் சவாலுக்கும் நாம் தீர்வு காண வேண்டும். நாங்கள் அறிமுகப்படுத்தும் இந்த தனித்துவமான அம்சம், airtel வாடிக்கையாளர்கள் தங்கள் பரிவர்த்தனைகளில் முழு கட்டுப்பாட்டைக் கொண்டிருப்பதை உறுதி செய்ய முடியும்.
“Airtel Safe Pay எங்களது அடுத்த புதுமையான முன்முயற்சியாகும். இதில், எங்கள் பாதுகாப்பான இணைப்புகளும் உலகத் தரம் வாய்ந்த டிஜிட்டல் தளங்களும் இணைந்து ஒரு தனித்துவமான சந்தை சிக்கலைத் தீர்க்கின்றன.
‘Airtel Safe Pay’-வை பயன்படுத்தி, ஏர்டெல் பேமண்ட்ஸ் வங்கி வாடிக்கையாளர்கள் மில்லியன் கணக்கான வணிகர்கள், ஆன்லைன் சில்லறை விற்பனையாளர்கள் மற்றும் பயன்பாடுகள் ஆகியவற்றில் பாதுகாப்பான டிஜிட்டல் கட்டணங்களை (Digital Payments) செலுத்துவதோடு பாதுகாப்பாக பணத்தையும் அனுப்பலாம்.
சில நிமிடங்களிலேயே வாடிக்கையாளர்கள் Airtel Payments Bank கணக்கை திறக்கலாம். Airtel Thanks App மூலம் ஒரு வீடியோ கால் செய்து கணக்கை திறக்க முடியும். அதன் பின்னர், அவர்கள் பாதுகாப்பான முறையில் டிஜிட்டல் கட்டணங்களை செலுத்திக்கொண்டே பல நன்மைகளையும் அனுபவிக்கலாம்.
