இந்திய அணியின் கேப்டன் விராட் கோலி டெஸ்ட் தரவரிசையில் ஐந்தாவது இடத்துக்கு தள்ளப்பட்டுள்ளார்.
டெஸ்ட் போட்டிகளுக்கான பேட்ஸ்மேன்கள் மற்றும் பவுலர்களுக்கான தரவரிசியை ஐசிசி வெளியிட்டுள்ளது. இதில் பேட்ஸ்மேன்கள் வரிசையில் நியுசி கேப்டன் கேன் வில்லியம்ஸன் முதலிடத்தில் உள்ளார். அவருக்கடுத்த இடத்தில் ஸ்மித் இருக்க சென்னை டெஸ்ட்டில் இரட்டை சதம் அடித்த ஜோ ரூட் மூன்றாவது இடத்துக்கு முன்னேறியுள்ளார். 2017 ஆம் ஆண்டுக்கு பிறகு அவர் முன்னணி இடத்துக்கு வந்துள்ளார்.
ஆனால் இந்திய அணியின் கேப்டன் விராட் கோலி ஐந்தாவது இடத்துக்கு தள்ளப்பட்டுள்ளார். அவர் ஆஸிக்கு எதிரான மூன்று டெஸ்ட் போட்டிகளில் விளையாடாததே இதற்குக் காரணம் என சொல்லப்படுகிறது.
இங்கிலாந்து – இந்தியா இடையேயான டெஸ்ட் தொடர் போட்டியில் இங்கிலாந்து அணி இந்தியாவை 227 ரன்கள் வித்தியாசத்தில் வென்றது. இதனால் 1-0 என்ற கணக்கில் இங்கிலாந்து அணி முன்னணியில் உள்ளது. இந்த போட்டியில் இந்திய துணைக் கேப்டன் ரஹானே மற்றும் ரோஹித் ஷர்மா ஆகியோர் சொதப்பலான ஆட்டத்தை வெளிப்படுத்தினர்.
இதனால் அணிக்குள் கோலிக்கு சரியான ஒத்துழைப்பு இல்லை என்று விமர்சனங்கள் எழுந்துள்ளன. மேலும் கேப்டனாக ரஹானேவை நியமிக்க வேண்டும் எனவும் குரல்கள் எழுந்துள்ளன.
