மராட்டிய மாநிலம் யவத்மால் மாவட்டத்தில் உள்ள போராடி வனப்பகுதியில் வசித்துவந்த புலி மனிதர்களை குறிவைத்து வேட்டையாடி வந்தது. இந்த புலியின் கோரப்பசிக்கு 13 பேர் இரையாகினர். இதனால் மனித உயிருக்கு பங்கம் விளைவிக்கும் அந்த புலியை கொல்லவேண்டும் என்ற வேண்டுகோள் வலுத்தது. இந்தநிலையில் வனப்பகுதியில் குட்டிகளுடன் சுற்றித்திரிந்த அவ்னி என்ற பெண் புலி தான் மனிதர்களை வேட்டையாடும் புலி என வனத்துறையினர் சந்தேகித்தனர். இதன்படி கடந்த 2018-ம் ஆண்டு நவம்பர் 2-ந் தேதி வனத்துறையினர் அந்த புலியை சுட்டுக்கொன்றனர். மேலும் இந்த புலியை சுட்டு கொன்றவருக்கு விருதும் வழங்கப்பட்டது.