மாசி மாதம் தேய்பிறை சதுர்த்தசி அர்த்தராத்திரி லிங்கோத்பவ காலம். இதனையே மகாசிவராத்திரி என்கிறோம். இது இரவு நேரப் பண்டிகை. உபவாசமிருந்து கண்விழித்து வழிபட  வேண்டிய விசேஷ தினம், இதிலுள்ள சங்கேதங்களை கவனித்தால் ஆன்மீக சாதனைக்குத் தேவையான அனேக ரகசியங்கள் இருப்பது தெரியவரும். ‘ராத்திரி’ என்பது அனைத்து சந்தடிகளும் உலக  விவகாரங்களும் அடங்கிய நிலை. அதிலேயும் அர்த்தராத்திரி. இதனை ‘துரீய சந்தியா என்பார்கள்.

அனைத்து  துன்பங்களும் கதறல்களும் அடங்கிய அசையாத நிலை தியானத்திற்கு மிகவும் அவசியம். அந்த நிலையில் மனம் லயமாகி பரமானந்தத்தைப் பெறுகிறது. அந்த ஒருமுகப்பட்ட நிலையில் உலக ஈர்ப்புகள்  எல்லாம் அடங்கி விடும். அது பரமனில் லயிக்கும் நிலை. இதனையே கைவல்யம் என்பர். இத்தகைய ராத்திரி என்பது சாதகர்கள் சாதிக்க வேண்டிய நிலை. வெளிமுகமாகப் பாயும் திருஷ்டியை தடுத்து,  புத்தியை அந்தர்முகமாகத் திருப்பி அந்தரங்கத்தில் ஈஸ்வர ஜோதியின் மேல் குவியச் செய்வதே சிவராத்திரி. பகலில் பஹிர்முகம். இரவில் அந்தர்முகம். சாதாரண வாழ்க்கையில் கூட பகலெல்லாம் வெளியில் சஞ்சரிக்கும் உயிர்கள் இரவானவுடன் சொந்த வீட்டையடைந்து ஓய்வு எடுக்கின்றன. ஆழமாக ஆலோசித்தால் அனைத்துயிர்களின் சொந்த வீடும் ஈஸ்வரனின் நிலையமே. அது நம்  ஹ்ருதயத்திலேயே உள்ளது.

இந்திரியங்களின் வழியே வெளி உலகியல் விஷயங்களோடு ஒட்டிக் கொள்ளும் மனதை நம்மிடமிருக்கும் சைதன்யத்தின் மூல பிந்துவான ஆத்ம ஜோதியில் லயம் செய்யும்
அந்தர்முக பிரயாணமே சிவராத்திரி. அந்த தியானநிலை நித்திரையல்ல; மறதியுமல்ல; அது மனிதனின் விழிப்பு நிலை. நம்மை நாம் மறந்து திரியும் வௌிப்புற அலைச்சலை விட, அந்தர்முகமான இந்த  தியான நிலையிலேயே நம் சைதன்யம் பூரண விழிப்புணர்வோடு இருக்கிறது. அஞ்ஞானம் என்ற பெரிய நித்திரையை விலக்கும் ‘கண் விழிப்பே’ சிவராத்திரி விரதம். இது உபவாச விரதமும் கூட. ஆகார  நியமமே உபவாசம். நம் இந்திரியங்களின் மூலம் அனுபவிக்கும் போகங்களே ஆகாரங்கள். அவற்றை கட்டுப்படுத்தும் இந்திரிய நிக்ரஹம் உண்மையான உபவாசம். அப்படிப்பட்ட உபவாசத்தின் மூலமும்  கண் விழிப்பின் மூலமும் சர்வ வியாபக அந்தர்யாமியான சிவ சைதன்யத்துடன் ஒன்றுபடும் நிலையை அடையப் பெறுவோம்.

ஒவ்வொரு மாதமும் அமாவாசையின் முன் வரும் கிருஷ்ணபக்ஷ சதுர்த்தசி இரவை ‘மாத சிவராத்திரி ’ என்பர். இது மாதத்தின் துரீய சந்தியா. வருடத்தின் இறுதி மாதமான பங்குனியின் முன் வரும்  மாசி மாதம் வருடத்தின் ‘சந்தியா’. (மாலைப்பொழுது) போன்றது. அந்த மாலை நேரத்தில் ‘சந்தியா’ ஸ்தானத்தில் மாசி மாத கிருஷ்ணபக்ஷ சதுர்த்தசி இரவு வருகிறது. எனவே அது ஆண்டிற்கு மாலை  நேரம். இந்த நேரத்தை ‘மகாசிவராத்திரி’ என்று அழைப்பதில் சிறப்பு உள்ளது.கர்ம ஈர்ப்புகளை எல்லாம் நிறுத்திவிட்டு ஜீவன் பரமாத்மாவின் சந்நதியில் அமைதி பெறுவதே லயம். அந்த லயநிலையில்தான்  அகண்டானந்தம் கிடைக்கிறது. பஹிர்முக பயணத்தால் ஓய்ந்து போன ஜீவன், ‘அலசிதிஸொலசிதி இந்தட நீ சரனிடெ ஜொச்சிதினி’ என்று எந்த அந்தர்யாமியுடன், தன்மயத்துவ நிலை பெறுவானோ அந்த  அந்தர்யாமியே ‘சிவன்’ - (அன்னமயா கீர்த்தனை).

திருகுணங்களுக்கு, மூன்று அவஸ்தைகளுக்கு, மூன்று உடல்களுக்கு (ஸ்தூல, சூட்சும், காரண சரீரங்கள்) அதீதமாக, அந்த மூன்றையும் இயக்கும் பரம நிலையமே சிவஜோதி. இதனை அந்தரங்கத்தில்  அறிந்து கொள்ளும் தத்துவமே சிவராத்திரியின் உட்பொருள். ‘ராதி சுகம் ததாதீதி ராத்ரி’ சுகத்தையளிக்கும் காலம் ராத்திரி’. போகம் அனுபவிப்பவர்களைப் பற்றிய பேச்சு ஒரு புறமிருக்க, யோக ஆனந்த  நிலை பெறுவதே உண்மையான ராத்திரி.

‘யானிசா சர்வ பூதானாம் தஸ்ய ஜாகர்தி சம்யமீ - பகவத்கீதை. அனைவருக்கும் எது இரவோ யோகிக்கு அது பகல். நம்முடைய பகல் யோகிக்கு இரவு. வெளிப்புறத்தில் திரிபவர்கள் ஆத்மா விஷயத்தில்  உறக்கத்திலிருக்கிறார்கள். ஆனால் ஆத்மா விஷயத்தில் யோகிகள் விழிப்போடிருக்கிறார்கள். லௌகீக ஈர்ப்புகள் வெளி விஷயங்களில் விழித்திருக்கும். அத்தகைய வெளிப்புற விஷயங்களில் யோகிகள்  உணர்வற்றிருப்பார்கள். ஞானானந்த ஸ்வரூபன் நித்யம் விழித்திருப்பவன் சிவன் அந்தர்முக விழித்தலில் தென்படும் அந்த சாஸ்வத சத்திய தத்துவத்தை அறிந்து கொள்ளும் சாதனையே ‘சிவராத்திரி’.

வெற்றிலை காம்பில் மூதேவி, வாசம் செய்கின்றாள் என்பதும் சிலரின் கூற்று. ஆனால் வெற்றிலையின் நுனியில் லட்சுமியும், நடுவில் சரஸ்வதியும், காம்பில் பார்வதிதேவியும் வாசம் செய்வதாக மற்றொரு கூற்றும் உள்ளது. வெற்றிலைக்காம்பு எப்படி தீபம் ஏற்ற வேண்டும் என்பதை தெரிந்து கொள்ளலாம்.

முதலில் சேதாரம் இல்லாத 6 வெற்றிலைகளை எடுத்துக் கொள்ள வேண்டும். முக்கியமாக நுனிப்பகுதி இருக்க வேண்டும். நுனிப்பகுதி இல்லாத வெற்றிலையை பரிகாரத்திற்கு பயன்படுத்தக் கூடாது. முதலில் கையில் வைத்திருக்கும் 6 வெற்றி இலைகளிலிருந்து காம்புகளை மெதுவாக கிழித்து எடுத்து விட வேண்டும். காம்பு இல்லாத 6 வெற்றிலைகளை ஒரு பலகையின் மீதோ அல்லது ஒரு டேபிளின் மீது வைத்துக் கொள்ளுங்கள்.

6 வெற்றிலைகளையும் மயில் தோகை போல் விரித்து, வைத்து விடவேண்டும். அதன்மேல் ஒரு அகல் தீபத்தை வைத்து, நல்லெண்ணெய் ஊற்றி, திரி போட்டு, வைத்துக்கொள்ளுங்கள். அடுத்ததாக 6 காம்புகளையும் நல்லெண்ணெயில் போட்டுவிடலாம். பின்பு தீபத்தை ஏற்றி விட வேண்டும். ஏற்றிய தீபத்தில் எண்ணெய் சூடாகி வெற்றிலை காம்பில் இருந்து லேசான நறுமணம் வீசும். தீபத்திற்கு அடியில் இருக்கும் காம்பு இல்லாத வெற்றியில் இருந்தும் நல்ல நறுமணம் வீசும்.

இந்த நறுமணத்தை நன்றாக சுவாசம் செய்து தீபத்தை நோக்கியவாறு ஐந்து நிமிடங்கள் உங்கள் மனதில் நினைத்திருக்கும் கோரிக்கையை வைத்து தியானம் செய்தாலே போதும். உங்களுக்கு இருக்கும் எப்படிப்பட்ட பிரச்சனையாக இருந்தாலும், அது விரைவாக தீர்ந்துவிடும். வாரம் ஒரு முறை இப்படி செய்வது நம் உடல் ஆரோக்கியத்திற்கும் நல்லது. நம்மிடம் இருக்கும் கெட்ட சக்திகள் அனைத்தும் நீங்கி வெற்றிப் பாதையை நோக்கி செல்வதற்கு, அதிர்ஷ்டத்தையும் இந்த பரிகாரம் நமக்கு தேடித்தரும் என்பதில் எந்த ஒரு சந்தேகமும் இல்லை.

மயில் இறகு என்று கேட்டதும், சிறு வயதில் மயில் இறகை புத்தகத்தினுள் வைத்து, அது குட்டி போடும் என்று நம்பி பலர் வைத்திருந்தது ஞாபகத்திற்கு வரும். மேலும், மயில் கடவுள் முருகனின் வாகனம் என்பதால், அதன் இறகை புனிதமானதாக கருதி, பலரும் தங்களது வீட்டு பூஜை அறையில் வைத்திருப்போம். இந்த மயில் இறகு பல தோஷங்களை நீக்கும் என்பது உங்களுக்குத் தெரியுமா? மூன்று மயில் இறகை ஒன்று சேர்த்து கருப்பு நிற கயிற்றினால் கட்டி, சிறிது பாக்கை நீரில் போட்டு, அந்நீரைத் தெளித்தவாறு ‘ஓம் சனீஸ்வராய நமஹ’ என்று தினமும் 21 முறை உச்சரிக்க வேண்டும் இவ்வாறு செய்தால் சனி தோஷம் நீங்கும். வீட்டின் வாஸ்து தோஷத்தை நீக்க எட்டு மயில் இறகை ஒன்று சேர்த்து, ஒரு வெள்ளை நிற கயிற்றினால் கட்டி, பூஜை அறையில் வைத்து ‘ஓம் சோமாய நமஹ’ என்ற மந்திரத்தை உச்சரித்து வர வேண்டும்.

நகை மற்றும் பணம் வைக்கும் அலமாரியில் ஒரு மயில் இறகை வைக்க வேண்டும். இதனால் அந்த அலமாரியில் செல்வம் அதிகம் சேர்வதோடு, நிலைக்கவும் செய்யும். மயில் இறகை வீட்டின் முன் வைப்பதால், வீட்டினுள் எதிர்மறை ஆற்றல்கள் நுழைவதைத் தடுப்பதோடு, வீட்டில் இருக்கும் எதிர்மறை ஆற்றல்களும் நீங்கும். ஒருவர் அலுவலகத்தில் தாம் அமரும் இடத்தில் மயில் இறகை வைப்பதன் மூலம், அவரது இடத்தின் அழகு மேம்படுவதோடு, உற்பத்தி திறனும் அதிகரிக்குமாம். திருமணமான தம்பதியர்கள், தங்களின் படுக்கை அறையில் மயில் இறகை வைத்திருப்பதன் மூலம், தம்பதியருக்குள் இருக்கும் பிரச்சனைகள் நீங்கி, அன்யோன்யம் மற்றும் புரிதல் அதிகரிக்கும். 

குலதெய்வம் என்பது ஜோதிட சாஸ்திரத்தில் மிக முக்கியமானதாகவும் தவிர்க்க முடியாததாகவும் சொல்லப்படுகிறது. ஒருவர் எவ்வளவு பூஜைகள் செய்தாலும் எத்தனை பரிகாரங்கள் செய்தாலும் குலதெய்வ அனுக்கிரகம் இல்லாமல் போனால் அந்த பூஜைகளும் பரிகாரங்களும் பலன் தராது என்பதே ஜோதிட சாஸ்திரத்தின் அசைக்க முடியாத கருத்து. இதற்காகத்தான்  குலதெய்வ அனுக்கிரகம் இல்லையேல் எந்த தெய்வ அனுக்கிரகமும் இல்லை என்றும் குல தெய்வ வழிபாடு கோடிதெய்வ வழிபாடு என்றும் சொல்லப்படுகிறது.

ஜாதக கட்டங்களில் குறைகள் இல்லாத நிலையிலும் கிரக சஞ்சாரங்களில் பாதக சூழ்நிலைகள் இல்லாத நிலையிலும் ஒரு மனிதனுக்கு பாதிப்புகளும் பிரச்சனைகளும் தொடர்கின்றது என்றால் அதற்கு குல தெய்வ தோஷம் காரணமாக இருக்கும். அதே போல கிரகங்களின் கோசார பலன்களும். கிரக பெயர்ச்சியின் நல்ல பலன்களும் முழுமையாக பலன் தர வேண்டுமென்றால் அதற்கு குலதெய்வ அனுக்கிரகம் என்பது மிக முக்கியமான அம்சமாகும்.

பொதுவாக குலதெய்வ வழிபாடு என்பது இனத்திற்கு இனம்.. ஜாதிக்குஜாதி குலத்துக்கு குலம்...மாறுபடும். ஒரே ஜாதியில் இருப்பவர்களில் கூட குடும்பத்துக்கு குடும்பம் வழிபாட்டு முறைகளும் சம்பிரதாயங்களும் மாறுபடுகின்றன.

பல இடங்களில் குலதெய்வம் என்பது பல தலைமுறைகளுக்கு முன் வாழ்ந்து மறைந்தவர்களாகவும் தங்களின் குல மக்களுக்களின் நன்மைக்காக உயிர்தியாகம் செய்தவர்களாகவும் இருப்பதுண்டு. அந்த குலத்தினரால் அவர்களுக்கு செய்யும் நன்றிக்கடனாகவே குல தெய்வ வழிபாடுகள் நடத்தப்படுகின்றன. இதனால் தான் குலதெய்வ வழிபாட்டினை ஒரு கடமையாகவும் கடனாகவும் சம்பிரதாயங்கள் சொல்கின்றன.

பொதுவாக குலதெய்வ தோஷம் இருந்தால் எந்த முயற்சிகளிலும் வெற்றி கிடைக்காது, காரணமற்ற காரியதடைகள் அதிகமாகும், உறவுகளில் ஒற்றுமையின்மையும் குடும்ப அமைதியின்மையும் இருக்கும். குறிப்பாக திருமணம் வீடுகட்டுதல் போன்ற சுபகாரிய தடைகள் தொடரும்.

குல தெய்வ வழிபாடுகளை அடிக்கடி செய்ய வேண்டிய அவசியமில்லை அந்தந்த குடும்பத்தின் சம்பிரதாய பின்பற்றுதல்களுக்கு ஏற்றவாறு வருடத்திற்கொருமுறை செய்தாலே போதுமானது. காலகட்டளை இருக்கும் குலதெய்வ வழிபாடுகளுக்கு குறிப்பிட்ட நாளில் மட்டுமே செய்ய வேண்டும். அந்த நாள் தவிர்த்து செய்யகூடாது. காலகட்டளை இல்லாத தெய்வங்களுக்கு சௌகர்யமான நாளில் வழிபாடு செய்யலாம். ஆனால் தமிழ்நாட்டில் கால கட்டளை இல்லாத குல தெய்வங்கள் குறைவு.

குலதெய்வ பூஜைகளை பொருத்தவரை சுத்த பூஜை ..உதிர பூஜை என்று இருவகைகளில் நடத்தப்படுகின்றன. சுத்த பூஜை என்றால் உயிர்பலி கொடுக்காமலும் உதிர பூஜை என்றால் உயிர்பலியுடனும் நடத்தப்படுவதாகும். எந்த பூஜையாக இருந்தாலும் அந்த முறையில் சரியாக பின்பற்றப்பட வேண்டும்.

கணித ஜோதிடத்திலோ எண்கணிதத்திலோ குலதெய்வம் கண்டுபிடிப்பது என்பது சற்று சிரமமானது. குலதெய்வம் தெரிந்து கொள்ள வம்சகள பிரசன்னம் எனப்படும் பிராணதேவதா பிரசன்னத்தின் மூலம் சரியாக கண்டுபிடிக்கலாம். அவ்வாறு கண்டுபிடிக்கும் போது வெறுமனே குலதெய்வத்தின் பெயர் மட்டுமல்லாது இருக்கும் இடம், தற்போதைய நிலை, படைக்கவேண்டிய பொருட்கள், வஸ்திரத்தின் நிறம்,வழிபாட்டிற்குறிய நாள், நேரம் ஆகியவற்றை தெளிவாக அறிந்து கொள்ள வேண்டும். பல சந்தர்ப்பங்களில் குலதெய்வ கோவிலுக்கு போக முடியாத நிலையோ அல்லது கோவில் சிதிலமடைந்த நிலையோ இருக்கும் அத்தகைய சூழ்நிலையில் குலதெய்வத்தின் அம்சபீடம் வைத்து வீட்டிலேயே வழிபடுவது பலன் தரும்.