மதுரை மாவட்டத்தில் இயற்கை விவசாயம் செய்யும் விவசாயிகளுக்கு ஹெக்டேருக்கு ரூ.4 ஆயிரம் ஊக்கத்தொகை வழங்கப்படும் என வேளாண்துறை அறிவித்துள்ளது.

விவசாயத்தில் அதிகளவு ரசாயன உரம், பூச்சிக்கொல்லி மருந்து மற்றும் வளர்ச்சி ஊக்கிகளை பயன்படுத்துவதால் மண்ணின் வளம் குறைந்து, மலட்டுத்தன்மையாகி, சுற்றுச்சூழல் அதிகளவு பாதிக்கப்படுகிறது.

ரசாயனத்தின் விளைவு (Effect of Chemicals)

மேலும் ரசாயன உரத்தை அதிகளவு பயன்படுத்துவதால் காய்கறி மற்றும் பழங்களில் நச்சுத்தன்மை அதிகளவு படிந்து விடுகிறது. அதனை உட்கொள்ளும் மனிதர்களுக்கு உடல் உபாதைகளையும், நோய்களையும் கொடுக்கின்றது.

இதனைத் தவிர்க்கும்வகையில் விவசாயிகளிடையே இயற்கை விவசாயத்தை ஊக்குவிக்க தமிழக அரசு பல்வேறு நடவடிக்கைகளை மேற்கொண்டு வருகிறது.இதன் ஒருபகுதியாக தோட்டக்கலைத் துறைக்கு மாவட்டந்தோறும் அரசு தலா ரூ.30 லட்சம் நிதி ஒதுக்கீடு செய்துள்ளது.

ஊக்கத்தொகை (Incentives)

இதில் தேசிய தோட்டக்கலை இயக்க திட்டத்தின் கீழ் ஹெக்டேருக்கு ரூ.4 ஆயிரம் ஊக்கத் தொகையும், தேசிய வேளாண் வளர்ச்சி திட்டத்தின் கீழ் இயற்கை முறையில் கீரை விவசாயம் செய்ய ஹெக்டேருக்கு ரூ.2500ம் மற்றும் காய்கறி பயிர்கள் விவசாயம் செய்ய ரூ.3800ம் ஊக்க தொகையாக வழங்கப்படுகிறது.

இத்துடன் சான்றிதழ் பெற ஒரு விவசாயிகளுக்கு ரூ.500 மானியம் வழங்கப்படுகிறது. எனவே 
இயற்கை முறையில் சாகுபடி செய்யும் அனைத்து விவசாயிகளுக்கும் இத்திட்டத்தில் சேர்ந்து பயனடையலாம். சிறு, குறு, பெண் விவசாயிகளுக்கு முன்னுரிமை உண்டு. இத்திட்டத்தில் ஊக்க தொகை பெற சம்பந்தப்பட்ட இயற்கை பண்ணையின் சான்றிதழ் நகலை விண்ணப்பத்துடன் இணைத்து வழங்க வேண்டும்.

இத்திட்டத்தில் பங்கேற்க விரும்பும் விவசாயிகள் தங்கள் அருகில் உள்ள வட்டார தோட்டக்கலை உதவி இயக்குனர் அலுவலகத்தை தொடர்பு கொண்டு பயனடையலாம்.

தகவல்
கே.ரேவதி
துணை இயக்குனர்
தோட்டக்கலைத்துறை, மதுரை
0452 -253 2351

எந்த எண்ணய் நல்ல எண்ணெய் என்று கேட்பவர்களின் எண்ணிக்கை அதிகரித்துவருகிறது.பெரும்பாலான நோய்களுக்கு அன்றாடம் உபயோகப்படுத்தும் எண்ணெயும்ஒரு காரணம் என்கிறார்க ள் நாம் அதிகம் பயன்படுத்தாத கடுகு எண்ணெயில் ஆரோக்கியம் கூடுதலாக இருக்கிறது. இனி உங்கள் சமையலிலும் கடுகு எண்ணெய் மணக்கட்டும்.

எந்த எண்ணெய் நல்ல எண்ணெய்

வடிவேலு காமெடிக்கு பிறகு எந்த எண்ணெய் நல்ல எண்ணெய் என்ற விழிப்புணர்வு அதிகரித்து விட் டதோ என்று தோன்றும் அளவுக்கு மக்கள் நோயிலிருந்து காத்துகொள்ள உணவுபொருள்களில் நல்லதை நாட தொடங்கி விட்டார்கள்.

அன்றாடம் சமைக்கப்படும் உணவில் பயன்படுத்தப்படும் எண்ணெய் உடலுக்கு கேடு விளைவிக் காமல் இருக்க வேண்டும். இதில் உண்டாகியிருக்கும் அதிகப்படியான விழிப்புணர்வு காரணமாக கடலை எண்ணெய், நல்லெண்ணெய், தவிட்டு எண்ணெய், கடுகு எண்ணெய் போன்றவை மீண்டும் முன்பைவிட வேகமாக உயிர்த்தெழுந்திருப்பதைக் காணலாம். அந்த வகையில் கடுகு எண்ணெயின் பயன்களை இப்போது பார்க்கலாம்.

கடுகு எண்ணெய்

கடுகு விதைகளிலிருந்து தயாரிக்கப்படும் இந்த கடுகு எண்ணெய் தனிச்சுவையைக் கொண்டது. பழங்காலத்தில் சமையலறையில் கடலை எண்ணெய், நல்லெண்ணெயோடு கடுகு எண்ணெயும் முக்கியமாக இடம் பிடித்திருந்தது.

இந்த எண்ணெய் பார்ப்பதற்கு சிவந்த நிறத்தில் இருக்கும். அன்றாடம் நமது உடலுக்கு 3:1 என்ற விகிதத்தில் எண்ணெய் தேவைப்படுகிறது. அவற்றை அளவாக பயன்படுத்தினாலும் அந்த எண் ணெய் சத்துகள் உடலுக்கு நன்மையை அளிக்க வேண்டும். ட்

மாறாக கெட்ட கொழுப்பின் அளவை அதிகரித்துவிடக்கூடாது. அந்த வகையில் உங்கள் சமையல றையில் கடுகு எண்ணெயும் வைத்திருங்கள்.இது ஆரோக்கியத்தையும் அழகையும் சேர்த்து கொடுக்கும்.

கடுகு எண்ணெய் சத்து

கடுகு எண்ணெயில் ஒமேகா 3, வைட்டமின் ஈ ,பி 6 சத்துகள், ஆன்டி ஆக்ஸிடன்ட்கள் நிறைந்திருக் கின்றன. இவற்றில் 6 0 சதவீதம் மோனோசாச்சுரேட் கொழுப்பு அமிலம் இருக்கிறது. மேலும்21 சதவீ தம், பாலி அன்சாச்சுரேட் அமிலங்கள் நிறைந்திருக்கிறது.

இந்த சத்துகள் எல்லாமே நம் ஆரோக்கியத்தை அதிகரிக்க செய்வதில் முக்கிய பங்கு வகிக்கி றது. உடலுக்கு நோய் எதிர்ப்புசக்தியை அதிகரிக்க செய்வதிலும் கடுகு எண்ணெய் துணைபுரி கிறது. ஆரோக்கியம் மற்றும் அழகு குறித்த பராமரிப்புகளிலும் கடுகு எண்ணெயில் இருக்கும் சத்துகள் துணைபுரிகிறது.

செரிமானத்தை எளிதாக்கி பசி உணர்வை தூண்டுகிறது

பெரும்பாலான நோய்களுக்கு காரணமே செரிமானக் கோளாறுதான்.உண்ணும் உணவு எளிதில் செரிமானமாகும் போது பசி உணர்வும் இயல்பாகவே தூண்டப்படுகிறது. கடுகு எண்ணெய் பயன் படுத்தும்போது செரிமான பாதையில் இருக்கும் தொற்றுகளை நீக்கி செரிமானத்தைத் தூண்டு கிறது.

அவ்வபோது ஜீரணக்குறைபாட்டால் மந்தமாக இருப்பவர்கள் கடுகு எண்ணெயில் சமைத்த உணவு பயன்படுத்தும்போது செரிமானத்தை துரிதமாக்குகிறது. இதனால் பசி உணர்வும் தூண்டப்படுகி றது. செரிமானக்கோளாறால் மந்த சோர்வு பிரச்சனையை தீர்க்க உதவுகிறது கடுகு எண்ணெய்.

இதயத்துக்கு நல்லது

உடலில் இருக்கும் உறுப்புகளின் சீரான செயல்பாட்டுக்கு கெட்ட கொழுப்புகள் உடலில் சேரவிடக் கூடாது. குறிப்பாக கெட்ட கொழுப்புகள் அதிகரிக்கும் போது அவை இதயத்தைப் பதம்பார்த்து விடு கிறது.

கடுகு எண்ணெயில் மேனோசேச்சுரேட் மற்றும் பாலிசேச்சுரேட் கொழுப்புகள் இருக்கிறது. இவை உடலில் இருக்கும் கெட்ட கொழுப்பை குறைத்து நல்ல கொழுப்பை அதிகரிக்க செய்கிறது. இதில் ஒலிக் மற்றும் லினோ லெனிக் அமிலம் லினோலிக் அமிலத்துக்கிடையே சமநிலையில் இருக்கிறது. இவையும் இதயத்துக்கு ஆரோக்கியத்தை அளிக்கிறது.

கடுகு எண்ணெயை உயர்ந்த வெப்பநிலையில் சமைக்கும் போதும் அதன் குணம் மாறுவதில்லை. ஆய்வு ஒன்றில் கடுகு எண்ணெயைப் பயன்படுத்துபவர்களுக்கு இதய நோய் சம்பந்தமான பாதிப்பு குறிப்பிட்ட அளவில் குறைந்திருப்பது தெரிய வந்துள்ளது.

சருமப்பராமரிப்பிலும் கடுகு எண்ணெய்

இதில் இருக்கும் வைட்டமின் ஈ சத்து சருமத்துக்கு இயற்கை சன்ஸ்க்ரீனாக விளங்குகிறது. சரும துவாரங்களில் இருக்கும் அழுக்கை வெளியேற்ற வியர்வை சுரப்பிகளைத் தூண்டி இறந்த செல் களை வெளியேற்றி சருமத்தைப் பொலிவாக்க உதவுகிறது.

சருமத்துக்கு ஆயில் மசாஜ் செய்யும் போது ஆலிவ் ஆயில், பாதாம் ஆயில் போன்று கடுகு எண்ணெ யும் பயன்படுத்தலாம். சருமத்தை மிருதுவாக்கி நாளடைவில் சருமத்தில் நல்ல நிறமாற்றத்தையும் அளிக்கிறது.

கூந்தல் உதிர்வு பிரச்சனை இருப்பவர்கள் கடுகு எண்ணெயும் தேங்காய் எண்ணெயும் கலந்து மசாஜ் செய்வதால் தலையில் இருக்கும் பொடுகை விரட்டி கூந்தலுக்கு போஷாக்கு தருகிறது.வெகு குறைந்த நாளில் கூந்தல் உதிர்வைக் கட்டுப்படுத்தும் ஆற்றல் வாய்ந்தது கடுகு எண்ணெய்.

ஆயுர்வேத மருத்துவத்தில் உடலுக்கு மசாஜ் செய்ய இதைப் பயன்படுத்துகிறார்கள் என்பது குறிப் பிடத்தக்கது.சருமத்துக்கு பொலிவையும் மினுமினுப்பையும் கொடுக்கிறது.

சைனஸ் பிரச்சனைக்கு தீர்வு

சளி மற்றும் இருமல் பாதிப்பு உண்டாகும் போது கை வைத்தியத்துக்கு இதைப் பயன்படுத்தலாம். சுவாசக் குழாயில் இருக்கும் அடர்த்தியான சளி இருக்கும் மூச்சு விடுதலில் சிரமம் இருக்கும். சளி யை இளக்கி வெளியேற்ற கடுகு எண்ணெய் பயன்படுத்தினால் நல்ல பலன் கிடைக்கும்.

கடுகுஎண்ணெயை இலேசாக சூடாக்கி குழந்தைகளுக்கு மார்பில் தடவுவதன் மூலம் சளி கரைந்து வெளியேற்றுகிறது. சைனஸ் பிரச்சனை இருப்பவர்கள் பூண்டு தட்டி, சிட்டிகை கிராம்பு பொடியைச் சேர்த்து கடுகுஎண்ணெயில் கலந்து இலேசாக சூடாக்கி மார்பு, காலில் தேய்த்துவந்தால் சைனஸ் பிரச்சனை குறையும்.

குறிப்பாக மழை மற்றும் குளிர்காலங்களில் மிகவும் கை கைகொடுக்கும் கைவைத்தியம் என்றும் சொல்லலாம். காய்ச்சலைக் குறைக்கவும். உடலில் தசைகளில் உண்டாகும் வலியைக் கட்டுப்படுத் தும் வலி நிவாரணியாகவும் கூட கடுகு எண்ணெய் உதவுகிறது.

தொற்று கிருமிகளை அழிக்கவல்லது

கடுகு எண்ணெயில் இயல்பாகவே தொற்றுக்கிருமிகளை எதிர்க்கும் பண்புகள் அடங்கியிருக்கிறது. இது கேடு தரும் பாக்டீரியா, வைரஸ் போன்றவற்றை எதிர்த்து அழிக்கும் ஆற்றல் கொண்டது.

கடுகு எண்ணெய் மட்டுமே பயன்படுத்தலாமா

நிச்சயமாக ஒரு எண்ணெயை மட்டும் தொடர்ந்து பயன்படுத்தக்கூடாது என்கிறார்கள் மருத்துவர் கள். ஒரே வகையான எண்ணெய் அது நன்மையே தரும் என்றாலும் அதை மட்டுமே தொடர்ந்து பயன்படுத்துவது உடல் நலனுக்கு நன்மை பயக்காது.

நல்ல சத்துகள் இருக்கும் எண்ணெயைத் தொடர்ந்து பயன்படுத்தும் போது அதில் இருக்கும் கெடு தல் பயக்கும் பொருள்கள் சிறிதாக இருந்தாலும் அவையும் குறிப்பிட்ட அளவு உடலில் சேர்ந்து கொண்டே இருக்கும். அதனால் கடலை எண்ணெய், நல்லெண்ணெய், தேங்காய் எண்ணெய், கடுகு எண்ணெய் என அனைத்தையும் மாற்றி மாற்றி பயன்படுத் துவதே நல்லது என்று மருத்துவர்கள் அறிவுறுத்துகிறார்கள்.

1. எந்த வகையான உணவுகளைத் தாய் எடுத்துக்கொண்டால், சரியான உடல் எடையுடன் குழந்தை பிறக்கும் என்பதைப் பற்றி விரிவாகப் பார்க்கலாம்.

2. கருவுவில் இருக்கும் போது குழந்தைக்குக் கிடைக்கும் சத்துக்கள்தான் அதன் ஒட்டுமொத்த வாழ்க்கையே தீர்மானிக்கப் போகிறது. பிறந்த குழந்தையின் எடை மூன்று கிலோ இருக்க வேண்டும். அதற்கும் கீழ் என்றால் குறைந்த பட்சம் 2.75 கிலோ வரை இருந்தால் எந்த பிரச்சனையும் இல்லை. அதைவிட குறைவாக இருந்தால் ஊட்டசத்து குறைபாடு உள்ளிட்ட பல பிரச்சனைகளை அக்குழந்தை எதிர்கொள்ள வேண்டியிருக்கும்.

3. கருவில் குழந்தை வளரும்போதே சிசுவுக்கு தேவையான ஊட்டச்சத்து நிறைந்த உணவுகளைத் தாய் எடுத்துக்கொண்டால், குழந்தை குறித்துக் கவலையின்றி வாழலாம். ஏனென்றால் அது இயற்கையாகவே ஆரோக்கியமான உடலைப் பெற்று விடும். சரி என்னென்ன உணவுகள் சிசுவின் எடையை அதிகரிக்க உதவும் என்பது பற்றிப் பார்க்கலாம். எந்த வகையான உணவுகளைத் தாய் எடுத்துக்கொண்டால், சரியான உடல் எடையுடன் பிறக்கும் என்பதைப் பற்றி விரிவாகப் பார்க்கலாம்.

4. காய்கறிகளை விட முட்டையில் அதிகளவு புரோட்டின் இருக்கிறது. மேலும் இதில் கூடுதலாக போலிக் ஆசிட், கோலின் மற்றும் இரும்புச் சத்து ஆகியவையும் உள்ளதால் தினமும் ஒரு வேக வைத்த முட்டையைச் சாப்பிட்டு வந்தாலே கர்ப்பிணிப் பெண்களுக்குப் போதுமானது. மருத்துவர் பரிந்துரைத்தல்படி அளவில் சிறு மாறுதல்களை ஏற்படுத்திக் கொள்ளலாம். அதனால், அளவுக்கு அதிகமான முட்டையை எடுத்துக்கொள்ளக் கூடாது. உடலில் புரதத்தின் அளவு அதிகமானால், குழந்தை குண்டாகப் பிறக்கும் அபாயம் உள்ளது.

5. கர்ப்பிணிகள் உலர்ந்த பழங்களைத் தினசரி சாப்பிட வேண்டும். அதாவது உலர்ந்த திராட்சை, அத்திப் பழம், பேரீட்சை ஆகியவற்றைத் தினசரி மாலை நேரத்தில் எடுத்துக்கொள்ள வேண்டும். அதிகம் இல்லை என்றாலும் குறைந்தபட்சம் நான்கு ஐந்து பழங்களாவது சாப்பிட்டு வர வேண்டும்.

6. முந்திரி, பாதாம் உள்ளிட்ட கொட்டை வகைகளில் புரதத்துடன் விட்டமின்களும் இருப்பதால், இவற்றையும் தினசரி உட்கொள்ள வேண்டும். உலர்ந்த பழங்களைப் போலவே இவற்றை மாலை நேரத்தில் எடுத்துக்கொள்வது நல்லது. அல்லது பகல் நேரங்களில் அவ்வப்போது ஒன்று இரண்டுப் பழங்களாகச் சாப்பிடலாம்.

7. முருங்கைக் கீரை, அரைக் கீரை, மணத்தக்காளி என எந்த வகை கீரையாக இருந்தாலும் கர்ப்பிணிகள் தவறாது எடுத்துக்கொள்ள வேண்டும். அகத்திக் கீரையைத் தவிர்ப்பது நல்லது. அது பேறு காலத்தில் சாப்பிடும் மாத்திரை காரணமாக ஒவ்வாமையை ஏற்படுத்தலாம். கீரை வகைகளில், வைட்டமின்கள், தாதுக்கள் என ஏராளமான சத்துக்கள் இருப்பதால், இது குழந்தைகளின் ஆரோக்கியத்துக்குப் பெரிதும் உதவுகின்றன.

8. கர்ப்பிணிப் பெண்கள் தினசரி குறைந்தது 2 டம்ளர் அளவு பால் குடிக்க வேண்டியது அவசியம். தினசரி 200-500 மி.லி பால் குடிக்க வேண்டும் என்று மருத்துவர்கள் அறிவுறுத்துகிறார்கள். காலை, மாலை என இரு வேளை அளவான அளவில் பால் எடுத்துக்கொள்ளலாம். பாக்கெட் பால்களைத் தவிர்த்துவிட்டு, நேரடியாக பசு அல்லது எருமை மாட்டுப் பாலை பருகினால் நல்லது.

9. யோகர்ட்டில் போதுமான அளவு புரோட்டினும், பாலை விட அதிகளவு கால்சியமும் உள்ளது. மேலும் இதில் விட்டமின் பி காம்ளக்ஸ் மற்றும் துத்தநாகமும் இருப்பதால், குழந்தை உடல் எடை குறைந்து பிறப்பதைத் தடுக்கும். இது சாதாரணமாகப் பால் விற்பனை நிலையங்களிலேயே கிடைக்கிறது.

10. வைட்டமின் சி நிறைந்த பழங்களை எடுத்துக்கொள்ளலாம், மேலும் ஃபைபர், பொட்டாசியம் உள்ளிட்ட ஊட்டசத்துகள் நிறைந்த ஆப்பிள், ஆரஞ்சு, மாம்பழம் போன்ற பழங்களை எடுத்துக்கொள்வது சிறந்தது. அன்னாசி, பப்பாளி போன்ற வெப்பம் தரும் பழ வகைகளைத் தவிர்ப்பது நல்லது.

11. ஆரஞ்சு ஜூஸ் மற்றும் எலுமிச்சை ஜூஸ் கர்ப்பிணிகளுக்கு நல்லது. பழமாக சாப்பிட விரும்பாத கர்ப்பிணிகள் அவற்றை ஜூஸ் வடிவில் எடுத்துக்கொள்ளலாம். ஃபிரஸ் ஜூஸ் என பல பழங்களைக் கலந்து தயாரிக்கப்படும் ஜூஸைவிட, தனித்தனியே எடுத்துக்கொள்வது நல்லது.

12. கேரட், பீட்ரூட், வெண்டைக் காய் போன்ற பச்சை காய்கறிகளில் விட்டமின் ஏ, விட்டமின் சி, இரும்புச்சத்து, மெக்னீசியம் ஆகியவை உள்ளன. விட்டமின் ஏ, ஆரோக்கியமான கண்பார்வைக்கு உதவுகிறது. மேலும் இது குழந்தை ஆரோக்கியமான உடல் எடையைப் பெறவும் உதவுகிறது. பச்சைக் காய்கறிகளைக் கர்ப்பிணிகள் சாப்பிடும்போது அதை நன்கு வெந்நீரில் கழுவிவிட்டு சாப்பிட வேண்டும்.

13. கர்ப்பிணிகளுக்கு மீன் ஆரோக்கியம் தரும் உணவு. ஆனால் மீனை தேர்வு செய்வதில் கவனமாக இருக்க வேண்டும். தொழிற்சாலை கழிவுகள் கலக்கும் பகுதிகளில் வளரும் மீன்களில் ரசாயன பொருட்கள் இருக்கலாம். இதனால் குழந்தையின் வளர்ச்சி பாதிக்கப்படலாம். ஏரி அல்லது அணைகளில் பிடிக்கப்பட்ட மீன்களோ அல்லது ஆழ்கடல் மீன்களோ என்றால் அச்சம் தேவையில்லை. இதுவும் குழந்தையின் ஆரோக்கியத்துக்கு உதவும்.

14. கம்பு சோறு, சோள சோறு போன்றவற்றில் புரதம், இரும்புச் சத்து, நார்ச் சத்து உள்ளிட்ட பல ஊட்டச்சத்துக்கள் நிறைந்துள்ளன. இவற்றை தினசரி முளைக் கட்டிய தானியங்களாகவும் எடுத்துக்கொள்ளலாம். இல்லாவிட்டால், வாரத்தில் இரண்டு அல்லது மூன்று முறை உணவாக எடுத்துக்கொள்ளலாம்.

15. வைட்டமின்கள் ,தாது உப்புகள் என கவனத்தில் கொண்டு உணவு எடுத்துக்கொள்வதால், உடலுக்கு தேவையான கொழுப்பு கிடைக்காமல் போய் விடும். வெண்ணெயில் உடல் வளர்ச்சிக்கு தேவையான கொழுப்பு இருக்கிறது. வெண்ணெயைத் தனியாகவோ அல்லது பிரட், பாதாம், உலர்ந்த பழங்கள் போல வேறு ஏதேனும் உணவுப் பொருளுடன் சேர்த்தோ சாப்பிடலாம்.

16. உடலுக்கு தேவையான இரும்புச் சத்து, தானியங்கள் மட்டுமின்றி இறைச்சியிலும் கிடைக்கிறது. நன்கு வேக வைத்த இறைச்சியை வாரம் ஒரு முறை எடுத்துக்கொள்ளலாம். ஆடு இறைச்சி, குறிப்பாக ஆட்டு ஈரலை உணவில் சேர்த்துக்கொள்ள வேண்டும். இதனால் குழந்தையின் வளர்ச்சிக்கு தேவையான இரும்புச் சத்துடன், பிற விட்டமின்களும் கிடைக்கும்.

17. சூரியகாந்தி எண்ணெய் அல்லது பால்ம் ஆயில் பயன்படுத்துவதைவிட, நல்லெண்ணெய் மற்றும் கடலை எண்ணெய் பயன்படுத்துவது சிறந்தது. நல்லெண்ணெய் உடலுக்குக் குளிர்ச்சி தரும். மேலும் ரத்த அணுக்களின் எண்ணிக்கை குறையாது இருக்கும்படிப் பார்த்துக்கொள்கிறது. இதன் காரணமாகக் குழந்தையின் வளர்ச்சியும் சீராகிறது.

18. வாரம் மூன்று அல்லது நான்கு முறை இளநீர் குடிப்பது கர்ப்பிணிகளுக்கு நல்லது. உடலின் வெப்பம் தணிவதால், கர்ப்பிணிகளின் உடல் எடையுடன் சிசுவின் உடல் எடையும் சீராக இருக்க உதவுகிறது.